Extraits bibliques

ພຣະອົງກໍຊົງຕ້ອນຮັບເຂົາແລະຊົງບອກເຂົາເຖິງຣາຊແຜ່ນດິນຂອງພຣະເຈົ້າ ແລະທຸກຄົນທ່ີຕ້ອງການຢາກດີພຍາດ ພຣະອົງກໍຊົງໂຜດໃຫ້ດີ.  ຄັນຕາເວັນກຳລັງຈະຕົກ ພວກສິບສອງຄົນນັ້ນໄດ້ມາທູນພຣະອົງວ່າ "ຂໍໃຫ້ປະຊາຊົນເລີກໄປຕາມບ້ານໄຮ່ບ້ານນາໃນແຖບນີ້ເພື່ອຫາບ່ອນພັກນອນແລະຊື້ອາຫານກິນ ເພາະບ່ອນນີ້ຢູ່ກາງປ່າ" ແຕ່ພຣະອົງຊົງຕອບເຂົາວ່າ "ພວກທ່ານຈົງລ້ຽງເຂົົາສາ" . ພວກສາວົກຈິ່ງທູນວ່າ "ພວກຂ້ານ້ອຍບໍ່ມີຫຽັງນອກຈາກເຂົ້າຈີ່ຫ້າກ້ອນ ແລະປາສອງໂຕເທົ່ານັ້ນ ເວັ້ນແຕ່ພວກຂ້ານ້ອຍຈະໄປຊື້ອາຫານສຳລັບຄົນທັງປວງນີ້." ເພາະວ່າຄົນເຫຼົ່ານັ້ນແຕ່ຜູ້ຊາຍມີປະມານ ຫ້າພັນຄົນ ແລ້ວພຣະອົງຊົງສັ່ງພວກສາວົກວ່າ "ຈິ່ງໃຫ້ຄົນທັງປວງນັ່ງລົງເປັນໝູ່ ໝູ່ລະຫ້າສິບຄົນ". ເຂົາກໍເຮັດຕາມ ຄືໄດ້ໃຫ້ຄົນທັງປວງນັ່ງລົງ. ເມື່ອພຣະອົງຊົງຮັບເອົາເຂົ້າຈີ່ຫ້າກ່ອນແລະປາສອງໂຕນັ້ນແລ້ວ ກໍຊົງເງີຍພຣະພັກເບິ່ງຟ້າຂໍພຣະພອນ ແລະຊົງຫັກເຂົ້າຈີ່ນັ້ນຍື່ນໃຫ້ພວກສາວົກເພື່ອແຈກໃຫ້ແກ່ຄົນທັງປວງ. ເຂົສກໍກິນອີ່ມທຸກຄົນ ສ່ວນຕ່ອນຫັກທ່ີເຫຼືອນັ້ນກໍເກັບໄດ້ສິບສອງບຸງ.

ພະນິມິດ ໒໑, ໑_໕

໑. ແລ້ວຂ້າພະເຈົ້າກໍໄດ້ເຫັນສະຫວັນໃໝ່ແລະແຜ່ນດິນໂລກໃໝ່. ສະຫວັນແຮກແລະແຜ່ນດິນໂລກແຮກໄດ້ສູນຫາຍໄປ ແລະທະເລກໍບໍ່ມີຄືກັນ.

໒. ແລະຂາພະເຈົ້າກໍໄດ້ເຫັນນະຄອນສັກສິດ ກຸງເຢລູຊາເລັມໃໝ່ ກຳລັງລົງມາຈາກສະຫວັນແລະຈາກພະເຈົ້າຕຽມພ້ອມຄືເຈົ້າສາວແຕ່ງຕົວລໍຖ້າ ພົບເຈົ້າບ່າວຂອງຕົນ.

໓. ຂາພະເຈົ້າໄດ້ຍິນສຽງດັງອອກມາຈາກບັນລັງແລະກ່າວວ່າ: " ບັດນີ້ບ້ານຂອງພະເຈົ້າຢູ່ກັບມະນຸດ! ພະອົງຈະມີຊີວິດຢູ່ກັບພວກເຂົາ ແລະພວກເຂົາກໍຈະໄດ້ເປັນປະຊາຊົນຂອງພະອົງ. ພະເຈົ້າເອງຈະມີຊີວິດຢູ່ກັບພວກເຂົາ ແລະພະອົງກໍຈະເປັນພະເຈົ້າຂອງພວກເຂົາ.

໔. ພະອົງຈະເຊັດນ້ຳຕາທຸກຢົດຈາກຕາຂອງພວກເຂົາ. ຄວາມຕາຍຈະບໍ່ມີອີກຕໍ່ໄປ, ຄວາມໂສກເສົ້າ, ການຮ້ອງໄຫ້, ແລະຄວາມເຈັບປວດຈະບໍ່ມີອີກຕ່ໍໄປ. ສິ່ງເກົ່າແກ່ໄດ້ສູນຫາຍໄປແລ້ວ.

໕. ແລ້ວຜູ້ທີ່ນັ່ງຢູ່ເທິງບັນລັງກໍໄດ້ກ່າວວ່າ : "ບັດນີ້ເຮົາໄດ້ສ້າງທຸກສິ່ງຂຶ້ນໃໝ່ ! " ແລະພະອົງກ່າວແກ່ຂ້າພະເຈົ້າອີກວ່າ "ຈົ່ງຂຽນໄວ້ ດ້ວຍວ່າຄຳເຫຼົ່ານີ້ເປັນຄວາມຈິງແລະເປັນທ່ີເຊື່ອຖືໄດ້."

໖, ໑ ແລະຢູ່ມາເມື່ອຄົນທັ້ງຫຼາຍໄດ້ມາກທະວີຂຶ້ນຕາມໜ້າແຜ່ນດິນ ແລະມີລູກ ສາວຫຼາຍຄົນ. ໖, ໒ ລູກຊາຍທັ້ງຫຼາຍຂອງພະເຈົ້າໄດ້ເຫັນວ່າລູກສາວຂອງຄົນ ທັ້ງຫຼາຍກໍງາມຢູ່ ແລະໄດ້ເອົາເຂົາມາເປັນເມັຽຕາມໄດ້ເລືອກໄວ້ ໖,໓ ແລະພະເຢໂຫວາໄດ້ກຼ່າວວ່າ "ພວກວິນຍານຂອງເຮົາຈະບໍ່ຖຽງກັນກັບມະນຸດຢູ່ ໄປເປັນນິດ ເພາະວ່າມະນຸດເປັນແຕ່ເນື້ອໜັງເທົ່ານັ້ນ ແຕ່ວ່າເຂົາຈະມີຊີວິດຕໍ່ໄປ ໄດ້ ໑໒໐ ປີ.     ໖, ໔ ໃນຄາວນັ້ນມີຄົນຕົວໃຫຍ່ເຫຼືອເກີນ ມີແຮງຫຼາຍເທິງແຜ່ນດິນໂລກ ແລະພາຍຫຼັງພວກລູກຊາຍຂອງພະເຈົ້າ

ໄດ້ມາຊູລູກສາວແຫ່ງຄົນທັ້ງຫຼາຍ ແລະເຂົາໄດ້ປະສູດລູກແລ້ວ ລູກທັ້ງຫຼາຍນີ້ ເປັນຄົນມີແຮງຫຼາຍແຕ່ບູຮານ ເປັນຄົນມີຊື່ສຽງລືໄປ ໖, ໕ ແລະພະເຢໂຫວາໄດ້ ເຫັນຄວາມຊົ່ວຮ້າຍຂອງມະນຸດຂຶ້ນມາກຫຼາຍເທິງແຜ່ນດິນໂລກ ແລະຄວາມຝີປອງທັ້ງສິ້ນແຫ່ງຄວາມຄຶດໃນໃຈມະນຸດເປັນຄວາມຊົ່ວຮ້າຍທຸກ ເວລາ. ໖, ໖ ແລະພະເຢໂຫວາໄດ້ຫຼົບໃຈຈາກການສ້າງມະນຸດເທິງ

ແຜ່ນດິນໂລກ ແລະມີຄວາມທຸກໃຈ. ໖, ໗ ແລະພະເຢໂຫວາໄດ້ກຼ່າວວ່າ "ມະນຸດທ່ີເຮົາໄດ້ນິລະມິດສ້າງນັ້ນ ເຮົາຈະທຳລາຍໃຫ້ສູນເສັຍຈາກຜືນດິນ ທັ້ງຄົນແລະສັດໃຊ້ ແລະສັດທີ່ເລືອຄານ ແລະນົກທ່ີຟ້າອາກາດ ດ້ວຍວ່າເຮົາ ທຼົບໃຈຈາກການສ້າງເຂົາ" ໖, ໘ ແຕ່ວ່າທ່ານໂນເອໄດ້ພໍປະສົບໃນຕາຂອງ ພະເຢໂຫວາ. ໖, ໙ ເຊື້ອສາຍຂອງທ່ານໂນເອເປັນດັ່ງນີ້ ທ່ານໂນເອເປັນຄົນ ສັດຊື່ດີທ່ີສຸດໃນທ່າມກາງຄົນທັ້ງຫຼາຍໃນຄາວນັ້ນ ທ່ານໂນເອໄດ້ທຽວໄປນຳ ພະເຈົ້າ ໖, ໑໐ ແລະທ່ານໂນເອມີລູກຊາຍ ໓ ຄົນ ຊື່ ເຊມ ໑ ກຳ ໑ ແລະ ຢາເຟດ ໑ . ໖, ໑໑ ແລະແຜ່ນດິນໂລກກໍຊົ່ວເສັຽໄປຕໍ່ໜ້າພະເຈົ້າ ແລະແຜ່ນດິນໂລກເຕັມໄປດ້ວຍການຫຽາບຊ້າສາໂຫດ. ໖, ໑໒ ແລະພະເຈົ້າ

ໄດ້ເບິ່ງແຜ່ນດິນໂລກ ແລະດັ່ງນີ້ມັນຊົ່ວເສັຽໄປ ເຫດວ່າເນື້ອໜັງທັ້ງສິ້ນໄດ້ ກະທຳໃຫ້ຮີດຄອງແຫ່ງຕົນຊົ່ວໄປເທິງແຜ່ນດິນໂລກ. ໖, ໑໓ ແລະພະເຈົ້າໄດ້ ກຼ່າວແກ່ທ່ານໂນເອວ່າ "ທ່ີສຸດແຫ່ງເນື້ອໜັງທັ້ງສິ້ນໄດ້ມາເຖິງແລ້ວຕໍ່ໜ້າເຮັາ ເຫດວ່າແຜ່ນດິນກໍເຕັມໄປດ້ວຍການຫຽາບຊ້າສາໂຫດຂອງເຂົາ ແລະດັ່ງນີ້ ເຮົາຈະໃຫ້ເຂົາຈີບຫາຍເສັຍພ້ອນກັນກັບແຜ່ນດິນນັ້ນ" . ໖, ໑໔ ເຈົ້າຈົງເອົາ ໄມ້ໂຄເຟ ກໍສ້າງນາວາໃຫຍ່ຫຼັງ ໑ ຈົງສ້າງເປັນຫ້ອງຫຼາຍບ່ອນ ແລະເອົາຢາງ ຂີ້ຊີ ທາທັ້ງໃນແລະທັ້ງນອກ. ໖, ໑໕ ແລະເຈົ້າຈົງສ້າງນາວານັ້ນຢ່າງນີ້ ຍາວ ໓໐໐ ສອກ ກວ້າງ ໕໐ ສອກ ແລະສູງ ໓໐ ສອກ. ໖,໑໖ ເຈົ້າຈົງທຳປ່ອງຢ້ຽມ ອັນ ໑ ທັ້ງເທິງນາວານັ້ນໃຫ້ແລ້ວເຖິງສອກ ໑ ແລະສ້າງປະຕູທ່ີຂ້າງນາວານັ້ນ  ແລະສ້າງຖານຊັ້ນທ່ີລຸ່ມ ຊັ້ນທ່ີກາງ ແລະຊັ້ນທ່ີເທິງ. ໖, ໑໗ ແລະຝ່າຍເຮັາດັ່ງນີ້ ເຮົາໃຫ້ນ້ຳມາຖ້ວນແຜ່ນດິນໂລກ ເພື່ອຈະໄດ້ທຳລາຍເນື້ອໜັງທ່ີມີຊີວິດລົມຫັນໃຈ ໃຫ້ເສັຽຈາກໃຕ້ຟ້າ ສັບປະທຸກສິ່ງທ່ີຢູ່ເທິງແຜ່ນດິນຈະຕາຍໄປ. ໖,໑໘ ແລະຄຳ ສັນຍາຂອງເຮົາ ເຮົາຕັ້ງໄວ້ກັບເຈົ້າ ແລະເຈົ້າຈະເຂົ້າໄປໃນນາວານັ້ນ ທັ້ງເຈົ້າ ກັບລູກຊາຍແລະເມັຽແລະລູກໃພ້ທັ້ງຫຼາຍຂອງເຈົ້າດ້າຍ. ໖,໑໙ ແລະສັດທ່ີມີຊີວິດທຸກຢ່າງທຸກເນື້ອ ຢ່າງລະຄູ່ ເຈົ້າຈົງລັບເຂົ້າມາໄວ້ໃນນາວາ

໔,໑໓ ແລະທ້າວກາອີນໄດ້ກຼາບຫຼອງພະເຢໂຫວາວ່າ "ໂທດຖືກຂ້ານ້ອຍກໍໜັກ ເຫຼືອທ່ີຂ້ານ້ອຍຈະທົນໃດ. ໔,໑໔ ດັ່ງນີ້ໃນວັນນີ້ ພະອົງໄດ້ຂັບໄລ່ຂ້ານ້ອຍຈາກຜືນດິນ ແລະຂ້ອນ້ອຍຈະເປັນທ່ີບັງໄວ້ຈາກໜ້າຂອງພະອົງ ແລະຂ້ານ້ອຍຈະເປັນຄົນລັກເລງ ແລະຄົນຫຼົບຫຼີກເທິງແຜ່ນດິນ ແລະຢູ່ມາເມື່ອຄົນ ໑ ຄົນໃດຈະພົບຂ້ານ້ອຍ ຄົນນັ້ນຈະຂ້າຂ້ານ້ອຍເສັຽ " ໔,໑໕ ແລະພະເຢໂຫວາໄດ້ກຼ່າວແກ່ລາວວ່າ "ເຫດສັນນີ້ຜູ້ໃດຈະຂ້າກາອີນນັ້ນ ກໍຈະມີໂທດເຖິງ ໓ ທໍ່"  ແລະພະເຢໂຫວາໄດ້ໝາຍທ້າວກາອີນໄວ້ດ້ວຍສຳຄັນ ເພື່ອຄົນທຸກຄົນທ່ີຈະພົບ ລາວ ກໍຈະບໍ່ຂ້າລາວເສັຽ. ໔,໑໖

໔,໑໖ ແລະທ້າວກາອີນໄດ້ອອກມາຈາກຕ່ໍໜ້າພະເຢໂຫວາ ແລະໄດ້ອາໄສຢູ່ໃນປະເທດ ໂນດທັ້ງທິດບົວລະພາແຕ່ສວນເອເດນ. ແລະທ້າວກາອີນໄດ້ຮ່ວມຮູ້ກັບເມັຽແຫ່ງຕົນ ໔,໑໗ ແລະນາງໄດ້ທົງຄັບ ແລະໄດ້ປະສູດລູກຊື່ ເຫໂນກ ແລະທ້າວກາອີນໄດ້ກໍ່ສ້າງເມືອງຂຶ້ນແຫງ ໑ ແລະເອີ້ນຊື່ເມືອງນັ້ນວ່າ ເຫໂນກ ຕາມຊື່ລູກຊາຍແຫ່ງຕົນ. ໔, ໑໘ ແລະເຫໂນກມີລູກຊາຍຊື່ອີລາດ ແລະອີລາດມີລູກຊາຍຊື່ ເມຫຶຍາເອນ ແລະເມຫຶຍາເອນມີລູກຊາຍຊື່ ເມທຶຊາເອນ ແລະເມທຶຊາເອນມີລູກຊາຍຊື່ ລາເມກ. ໑,໑໙ ແລະທ່ານລາເມກໄດ້ເອົາເມັຽ ໒ ຄົນ ຄົນ ໑ ຊື່ອາດາ ຄົນທ່ີສອງຊື່ ຈີລາ. ໔, ໒໐ ແລະນາງອາດາໄດ້ປະສູດລູກຊາຍຊື່ ຍາບາເລ ຜູ້ເປັນພໍ່ແຫ່ງຄົນທັ້ງຫຼາຍ ທື່ຢູ່ໃນທັບອາໄສແລະລ້ຽງສັດ. ໔,໑໑ ແລະທ່ານຍາບາເລ ມີນ້ອງຊາຍຊື່ ຢູບາເລຜູ້ເປັນພໍ່ແຫ່ງຄົນທັ້ງປວງ ທີ່ດີດກະຈັບປີມືແລະເປົ່າຂຸ່ຽ. ໔,໒໒

໓, ໑ ອັນນຶ່ງງູເປັນສັດສຼາດກວ່າສັດທັ້ງປວງ ທີ່ຢູ່ໃນປ່າ ທ່ີພະເຢໂຫວາພະເຈົ້າ ໄດ້ສ້າງໄວ້ນັ້ນ ແລະງູໄດ້ຖາມຜູ້ຍິງວ່າ "ຈິງຫຼືພະເຈົ້າໄດ້ບອກຫ້າມວ່າພວກເຈົ້າ ຢ່າຊຸກິນໝາກໄມ້ທຸກຢ່າງໃນສວນນີ້ຫຼື". ໓,໒  ແລະຜູ້ຍິງໄດ້ຕອບງູວ່າ "ໝາກໄມ້ທັ້ງ ປວງທ່ີຢູ່ໃນສວນນີ້ ພວກເຮົາພາກັນກິນໄດ້

໓,໓ ແຕ່ວ່າໝາກຜົນລະໄມ້ນັ້ນທ່ີຢູ່ກາງສວນພະເຈົ້າໄດ້ຫ້າມວ່າ ¨ ຢ່າກິນແລະຢ່າບາຽ ຢ້ານວ່າພວກເຈົ້າຕາຍໄປ ¨ ". ໓,໔ ແລະງູໄດ້ກຼ່າວແກ່ຜູ້ຍິງວ່າ "ພວກເຈົ້າຈະບໍ່ຕາຍດອກ. ໓,໕ ເພາະວ່າພະເຈົ້າຮູ້ຢູ່ວ່າ ພວກເຈົ້າຫາກກິນໝາກໄມ້ນັ້ນໃນວັນໃດ ຕາຂອງພວກເຈົ້າ

ຈະມືນແຈ້ງຂຶ້ນໃນວັນນັ້ນ ແລະພວກເຈົ້າຈະເປັນເໝືອນພະເຈົ້າ ຮູ້ຈັກການດີແລະການຊົ່ວ".  

໓,໖ ແລະຜູ້ຍິງໄດ້ເຫັນວ່າຕົ້ນໄມ້ນັ້ນເປັນທ່ີກິນແຊບ ແລະຊອບຕາ ແລະເປັນຕົ້ນໄມ້ ທ່ີຕ້ອງການຢາກໄດ້ໃຫ້ມີປັນຍາຂຶ້ນແລະລາວໄດ້ປິດເອົາແຕ່ໝາກໄມ້ນັ້ນ ແລະໄດ້ກິນ ແລະໄດ້້ຍື່ນໃຫ້ຜົວທ່ີຢູ່ດ້ວຍກັນ ແລະຜົວໄດ້ຮັບກິນດ້ວຍ. ໓,໗ ແລະຕາຂອງເຊົາທັ້ງ ໒ ໄດ້ມືນແຈ້ງຂຶ້ນ ແລະເຂົາຮູ້ຈັກວ່າຕົວເປັນປະເປືອຍຢູ່ ແລະເຂົາໄດ້ພາກັນເອົາໃບກົກເດື່ອເທດ ມາຫຍິບໃຊ່ກັນເປັນເຄື່ອງນຸ່ງ.